30 Views
الشاعر خالد الأعور

🌿🎼🌿
والليل حامل ع ضهرو نجوم
شريان عتمو من التّقل فلّع
ما كان عندو تم يتوجّع
لما الشفق لفّو بِ شاش غيوم
صار جرحو احمَر مبرقع

🌿🎼🌿
دغوش الدني
وِسع المدى دغوش ومبلول
تلحّف بِ شرشف عتم وغطيطة
كرّو الخريف ونسّلو ايلول
وعدّان شافو منِ الأفق منسول
حيٍّك اٍلو من الغيم برنيطة

🌿🎼🌿

شنطة سفر مضبوب فيها غياب
مشَهوَن ع كسرة حلم لو سِرقى/ة
تيابي قصيدة وسطر الشعر سحّاب
واخذ معي كمشة امل كذّاب
عطوني وطن ينعاش ت ابقى


🌿🎼🌿

المنبر خشب منحوت للشعّار
اصلو حطب قطْعوه حطّابي
عا كرّة بلابل صوت كان رابي
ونكان عِملو للادب سمسار
ردو الخشب منهان للغابي/ة
.
🌿🎼🌿