61 Views

بيت مهجور

يا بيت لولا زعلت ما بلومك
صار العشب اعلا من همومك
ما ضل عندك سقف ت يغطيك
ولا في حدا يسهر مع نجومك
ولا فجر يطلع مع صياح الديك
ولا موقدة تتنفس غيومك
ولا باب ناطر ضيف من هونيك
ولا ريح عم بتمرجح
شبابيك
وما ضل في ناطور بكرومك
من هيك لولا زعلت ما بلوَمك

*********

لو كل شاعر حب يعمل عنتزه
قديش بدنا كم عبله يا ترى
السشا عر بيحب المرجله والبهوره
ومرة بيجي لقدام مرة ل ورا
بس الحقيقة بينحني قبال الجمال
وبيركع وبيدوب من غمرة مرا

**********

مرة شفت انسان ع دروبي
خلقتو للعين محبوبي
صبح عليي وقال صرلي نهار
ببرم وبدي اشتري أعمار
قلت عمري بايعو يا جار
بيخبرك هالأمر محبوبي

الشاعر شربل زغيب